اسلام آباد ۔ 13 مارچ (اے پی پی)پاک بحریہ دے سربراہ ایڈمرل ظفر محمود عباسی کوں چیف آف جنرل اسٹاف رائل سعودی آرمڈ فورسز ولوں”کنگ عبدالعزیز میڈل آف ایکسی لینس “دا ایوارڈڈتا گئے۔ پاک بحریہ دے سربراہ ،رائل سعودی نیول فورسز دے سربراہ دی دعوت تے سعودی عرب دے سرکاری دورے تے ہین۔ایڈمرل ظفر محمود عباسی کوں گذریل ڈینہہ میڈل ڈیونڑ کیتے ہک تقریب تھئی۔پا ک بحریہ دے سربراہ رائل سعودی آرمڈ فورسز دے چیف آف اسٹاف،جنرل فیادد الروےلی نال وی ملاقات کیتی اتے ڈو طرفہ معاملیاں تے گالھ مہار کیتی۔جنرل فیادالروےلی پاکستان اتے سعودی عرب وچال تاریخی اتے مضبوط دفاعی ،دوستانہ تعلقات ، اتے ایں سانگے خطے اچ امن و استحکام کیتے پاکستان دے کردار دی تعریف کیتی۔ ”کنگ عبدالعزیز میڈل آف ایکسیلینس “ رائل سعودی آرمڈ فورسز دا اعلیٰ ترین اعزاز اے۔ایں دوران ایڈمرل ظفر محمود عباسی کمانڈر رائل سعودی نیول فورسز،وائس ایڈمرل فہد عبداللہ الغوفیلی نال وی ملئے۔ریاض اچ رائل سعودی نیول فورسز ہیڈ کوارٹرز آمد تے رائل سعودی نیول فورسز دے سربراہ پاک بحریہ دے سربراہ دا استقبال کیتے۔رائل سعودی نیول فورسزدے دستے نیول چیف کوں سلامی ڈتی۔ چےف آف دی نےول سٹاف کمانڈر رائل سعودی نےول فورسز نال وی ملئن۔رائل سعودی نیول فورسزدے سربراہ وائس ایڈمرل فہد عبداللہ الغوفیلی پا ک بحریہ دے آفیسرز و سیلرز دے اعلیٰ پیشہ ورانہ معیار اتے خطے دے استحکام،خاص کر میری ٹائم سکیورٹی سانگے پاک بحریہ دے کردار دی تعریف کیتی۔ڈوہاںبحری افواج دے سربراہان ڈوہاں ملکاں وچال تربیت ، خیر سگالی دوریاں اتے دفاعی تعاون دے مختلف شعبیاں اچ تعاون ودھنڑ دی امید کیتی۔
.jpg)
