سیاسی جماعتاں مذاکرات نال مسئلے حل کرن، وفاقی وزیر ریلویز و ہوا بازی خواجہ سعدرفیق

اسلام آباد۔5مئی (اے پی پی) وفاقی وزیر ریلویز تے ہوا بازی خواجہ سعد رفیق آکھیا جو سیاسی جماعتاں مذاکرات نال مسئلے حل کرن۔ جمعے کوں سپریم کورٹ دے ٻاہر میڈیا نال ڳالھ مہاڑ کریندیں ہوئیں انہاں آکھیا جو حکومت اتے پاکستان تحریک انصاف (پی ٹی آئی) ہک ڳالھ تے متفق ہن جو پورے ملک اچ انتخابات ہکھ ݙینھ تھیوݨے چاہیدن۔ انہاں آکھیا جو اساں لچک ݙکھائی اے اتے اڄ وی مذاکرات کیتے تیار ہیسے۔ وفاقی وزیرآکھیا جو اساݙے وکیل فاروق ایچ نائیک عدالت اچ پیش تھین اتے او پاکستان ڈیموکریٹک موومنٹ ( پی ڈی ایم ) دی نمائندگی کیتے عدالت اچ پیش تھین۔ انہاں آکھیا جو ملک اچ مسلسل ناانصافیاں پاروں ادارے ہک ݙوجھے دے سامھے ہن۔ انہاں آکھیا جو پنجاب تے اجارہ داری دا الزام نہ لاتا وںجے۔ خواجہ سعد رفیق ٻیا آکھیا جو پی ٹی آئی نال اساݙی ڳالھ مہاڑ ٻہوں لمبی تھی ڳی اے۔ انہاں آکھیا جو حکومت پی ٹی آئی نال مذاکرات کریندی پی اے اتے ملک اچ عام انتخابات کیتے آئینی مدت توں اڳوں نی ونجݨ نی چاہندی پر عمران خان کوں جلدی اے۔ عمران خان کوں الیکشن دی تاریخ تے لچک ݙکھاوݨی چاہیدی اے۔

مضمون کا ماخذ : اسرار ریلز

متعلقہ مضامین