اسلام آباد ۔ 18 فروری (اے پی پی) چیئرمین سینیٹ محمد صادق سنجرانی آکھیے جو سعودی سرمایہ کاری بین الاقوامی برادری دے پاکستان تے ودھ سارے اعتماد کوں ظاہر کریندی اے۔ سرمایہ کاری نال ہک بئے نال تعاون اتے سانجھے داری دے نال نال علاقائی ترقی دے نویں وستے کھلسن۔اے گال چیئرمین سینیٹ ای??ان بالا دے وفد دی قیادت کریندے ہوئیں پاکستان دے دورہ تے آئے ہوئے سعودی عرب دے ولی عہد شہزادہ محمد بن سلمان کوں آکھی ۔ سینیٹ دے وفد اچ قائد ای??ان سینیٹر شبلی فراز، قائد حزب اختلاف سینیٹر راجہ محمد ظفر الحق، سینیٹر مشاہداللہ خان ، سینٹر محمد اعظم خان سواتی اتے سینیٹر اورنگ زیب خان اورکزئی شامل ہن۔ محمد صادق سنجرانی آکھیے جو سعودی عرب دا ویژن 2030ءامن ، معاشی ترقی اتے خوشحالی دا ویژن اے۔ سعودی عوام خوش قسمت اے جو انہاں کوں خادم الحرمین الشریفین دی قیادت اتے شہزادہ سلمان ب?? محمد جیہا ولی عہد مل گئے ۔ انہاں آکھیے جوایں دورے نال ڈوہیں ملکاں دے تعلقات دا نواں دور شروع تھئے پاکستان اچ حالات بدل گن اتے ملک اچ سرمایہ کاری تے تجارت دی فضا وڈی سازگار اے۔ چیئرمین سینیٹ سعودی سرمایہ کاری کو ںبین الاقوامی برادری دا اعتمادقرار ڈیندے ہوئیں آکھیے جو پاکستان سعودی عرب دے نال ڈوپاسے تعلقات کوں ودھا??نڑ چاہندے ۔ انہاں آکھیے جو سعودی عرب ہمیشہ پاکستان دی اوکھے وقت مدد کیتی اے اتے اے یاری ہر امتحان اچ پوری لتھی اے ۔ انہاں آکھیے جو ڈوہیں ملکاں ودھ سارے سیاسی اتے سکیورٹی معاملات تے ہکو جیہا نقطہ نظر رکھیندن ۔ڈوہائیں ملکاں وچال مختلف کثیر الجہتی فورمز تے وی مثالی تعاون پاتا ویندے۔ چیئرمین سینیٹ آکھیے جو اتنی وڈی تعداد اچ تاجراں اتے سرمایہ کاراں دے وفددے رلے آ??نڑ ہک وڈی مثال اے اتے انہاں کوں یقین اے ایجھے اقدامات نال سعودی ویژن 2030ءکوں بئی تقویت ملسی۔ چیئرمین سینٹ ڈوپاسے تجارتی تعاون، سانجھی بزنس کونسل کوں متحرک کرنڑ اتے کاروباری نمائشاں اچ شرکت ودھاونڑدی تجویزوی ڈتی۔
