اسلام آباد۔22اگست (اے پی پی):وزیراعظم م??مد شہبازشریف دی ہدایت تے سیلاب متاثرین دی وختی مالی امداد کیتے 37.2 ارب روپے دے فلڈریلیف کیش پروگرام دے تحت رقماں دی ونڈ ا عمل تکھا کرݙتا ڳئے جݙاں جو سیلاب متاثرین دی بحالی ?? تعمیر نو کیتے پرائم منسٹرریلیف فنڈ وی قائم کرݙتا ڳئے ،سیلاب اچ جاں بحق تھیوݨ آلے لوکاں دے لواحقین کوں فی کس 10 لکھ روپے جݙاں جو ہر متاثرہ گھر دی نویں سروں تعمیر کیتے 5 لکھ روپے ݙتے ویسن ، این ڈی ایم اے تے بے نظیر انکم سپورٹ پروگرام دی سانجھ نال پورے ملک اچ سیلاب متاثرین دی مالی امداد کیتے پرائم منسٹر فلڈ ریلیف کیش تعاون پروگرام دا بلوچستان دے ضلع جھل مگسی توں آغاز کیتا ڳئے ۔وزیر اعظم م??مد شہباز شریف دے جذبے اتے لڳن توں ݙکھی انسانیت دی خدمت دے عزم دے تحت پورے ملک اچ خصوصا بلوچستان دے سیلاب توں متاثرہ علاقیں اچ ریلیف تے بحالی دیاں امدادی کوششاں تکھے جاری ہن ۔ وزیراعظم م??مد شہباز شریف دی ہدایت تے نیشنل ڈیزاسٹر مینجمنٹ اتھارٹی، صوبائی ڈیزاسٹر مینجمنٹ اتھارٹیاں اتے صوبائی تے مقامی حکومتاں اتے انتظامیہ دی طرفوں سیلاب متاثرین دی محفوظ جاہ تے فلڈ ریلیف کیمپاں اچ منتقلی، راشن اتے ریلیف دے سامان، خیمیں، بسترے، ڈی واٹرنگ پمپس اتے کشتیاں دی فراہمی، رابطہ سڑکاں تے پلاں دی بحالی کیتے ہرممکن وسائل کوں بروئے کار گھن آیا ویندا پئے جݙاں جو وزیر اعظم خود وی سیلاب توں متاثرہ علاقیں دے دورے کریندے پئن ، وزیر اعظم دا عزم اے جو اوکھے ویلھے اساں ہم وطناں دا ساتھ نبھیسوں تے سیلاب متاثرین کوں ول آباد کرتے ݙیکھیسوں ۔ سیلاب متاثرین اہلیت جاݨݨ کیتے آپݨا قومی شناختی نمبر 8171 تے ایس ایم ایس کرن ، نادرا ریکارڈ توں تصدیق دے بعد سیلاب اچ جاں بحق 493 لوکاں دے لواحقین اچ ݙاہ ݙاہ لکھ روپے دے امدادی چیک ݙتے ڳئن ۔وزیراعظم م??مد شہباز شریف دی طرفوں این ڈی ایم اے کوں سیلا ب زدہ علاقیں اچ ریسکیو ریلیف آپریشن کیتے 5ارب روپے دی فراہمی کیتی ڳئی اے ۔
