اسلام آباد۔2مارچ (اے پی پی):قومی اسمبلی دی قائمہ کمیٹی اطلاعات و نشریات ارشد شریف قتل دے حوالے نال تفصیلی بریفنگ منگ ڳھدی۔ قائمہ کمیٹی اطلاعات و نشریات دا اجلاس خمیس کوں کمیٹی دی چیئرپرسن و رکن قومی اسمبلی جویریہ ظفر دی زیر صدارت پیمرا ہیڈ کوارٹرز اچ تھیا ۔ اجلاس اچ ڳالھ مہاڑ کریندے ہوئیں جویریہ ظفر آکھیے جو حالی تئیں ارشد شریف قتل دے حوالے نال کمیٹی کوں کوئی بریفنگ نی ݙتی ڳئی ۔ انہاں آکھیے کمیٹی دے آندے اجلاس اچ ??حا??یاں دے تحفظ دے حوالے نال ٻل تے وی غور کیتا ویسی ۔ قائمہ کمیٹی اسلام آباد ہائی کورٹ اچ ??حا??یاں تے تشدد دی مذمت کیتی۔ جویریہ ظفر آکھیے پولیس دی طرفوں ??حا??یاں کوں ذمہ داریاں دی ادائیگی توں روکیا ڳئے ۔ ایں موقع تے وفاقی وزیر اطلاعات مریم اورنگزیب کمیٹی کوں ݙسایا جو اسلام آباد ہائی کورٹ اچ ??حا??یاں تے تشدد دے معاملے تے وزارت داخلہ دے نال میٹنگ تھئی اے ۔ اسلام آباد ہائی کورٹ ونڄݨ توں ??حا??یاں کوں روکیا ڳئے ، ??حا??یاں تے تشدد دے واقعہ دی رپورٹ وزیر داخلہ منگ ڳھدی اے ۔ کمیٹی دی رکن ناز بلوچ آکھیے ??حا??یاں دے حوالے نال قانون سازی تھیوݨی چاہیدی اے تاں جو ??حا??ی خود کوں غیر محفوظ تصور نہ کرن ۔ انہاں آکھیے خواتین ??حا??یاں دے خلاف وی مہم چلائی ویندی اے ایں تے ڳالھ تھیوݨی چاہیدی اے ۔ ارکان کمیٹی ڈرامیں تے ٹی وی اشتہارات اچ معاشرتی اقدار دے منافی مواد تے تشویش دا اظہار کیتے۔ وفاقی سیکریٹری اطلاعات شاہیرہ شاہد اجلاس کوں ݙسایا جو ہر صوبے اچ کونسل آف کمپلینٹ موجود اے، شکایت آوے تاں کونسل آف کمپلینٹ سݨݨ دی مجاز اے۔ انہاں آکھیے ڈرامے سینسر کرݨ دا کوئی بورڈ موجود کائنی صرف فلم سنسر بورڈ اے۔ انہاں ݙسایا جو 1972ءتوں فلم کوں سنسر کرݨ دی فیس 250 روپے ہے اتے ہݨ ایں کوں ودھا تے ھک ہزار روپے کیتا ویندا پئے ۔ وفاقی سیکریٹری اطلاعات آکھیے ڈرامیں کوں سنسر کرݨ دے حوالے نال جے حکومت قانون سازی کرݨ چاہے تاں کرسڳدی اے ۔ ایں موقع تے جویریہ ظفر آکھیے ڈرامہ دے آن آیئر آوݨ توں پہلے ایں دے مواد کوں ݙٹھا ونڄݨا چاہیدے ۔ ایں موقع تے وفاقی وزیر اطلاعات آکھیے جو ڈرامیں کوں سنسر کرݨ دے حوالے نال قانون سازی کیتی ویسی ۔ پاکستان الیکٹرانک میڈیا ریگولیٹری اتھارٹی (پیمرا) دے چیئرمین اجلاس کوں ݙسایا جو اے آر وائی دے ڈرامہ ”جلن“ تے پابندی لاتی ، ہائی کورٹ حکم امتناع ݙے ݙتا۔ سپریم کورٹ ڳئے ہیسے، فیصلہ محفوظ اے، کجھ ݙینھ اچ فیصلہ آویسی ۔ انہاں کمیٹی کوں ݙسایا جو 27 اشتہارات جیڑھے معاشرتی اقدار دے خلاف ہن ، انہاں تے پابندی لاتی ڳئی اے ۔ انہاں آکھیے میڈیا ہائوسز کوں عدالتاں توں حکم امتناع مل ویندے۔