صدر مملکت دی لاہور اچ کیپٹن محمد علی قریشی شہید دے گھر آمد، شہید دے لواحقین نال تعزیت کیتی
APP37-050924
LAHORE: September 05 - President Asif Ali Zardari offering Fateha over the martyrdom of Captain Muhammad Ali Qureshi Shaheed during his visit to Lahore. APP/TZD
اسلام آباد۔5ستمبر(اے پی پی) صدر مملکت آصف علی زرداری آکھیے دہشت گردی دے فتنے کوں منڈھوں مکاوݨ سانڳے چھیکڑی دم تئیں کوششاں جاری رکھیسوں ، قوم شہداء اتے انھاں دے خانداناں دیاں قربانیاں ہمیشہ یاد رکھیسی ۔ ایوان صدر دے پریس ونگ توں جاری بیان موجب صدر مملکت آصف علی زرداری لاہور اچ کیپٹن محمد علی قریشی شہید دے گھر ڳئن تے شہید دے لواحقین نال تعزیت ??یتی ۔ کیپٹن محمد علی قریشی گزریل ݙینھاں بلوچستان اچ شہید تھئے ہن ۔ صدر مملکت کیپٹن محمد علی قریشی شہید سانڳے فاتحہ خوانی پڑھی۔ صدر مملکت کیپٹن محمد علی قریشی دی خدمات اتے بہادری کوں خراجِ عقیدت پیش کریندے آکھیے اوکھے ویلھے ساݙیاں ہمدردیاں شہید دے گھرآلیں نال ہن ، دہشت گردی دے خلاف جنگ اچ ٻہوں نینگراں جاناں ݙتن ، شہید محترمہ بے نظیر بھٹو وی دہشت گردی دے خلاف جنگ اچ شہید تھیاں۔ صدر مملکت آکھیے دہشت گردی دے فتنے کوں منڈھوں مکاوݨ سانڳے چھیکڑی دم تئیں کوششاں جاری رکھسیوں ۔ صدر مملکت شہید کیپٹن دے گھر آلے جذبہ حب الوطنی اتے ا??ثار دی تعریف کیتی ، انھاں آکھیے قوم شہداء اتے انھاں دے خانداناں دیاں قربانیاں ہمیشہ یاد رکھیسی ۔ صدر کیپٹن محمد علی قریشی سانڳے اُچے درجات تے وارثاں کیتے صبر دی دعا منڳی
